masterra05

Masterra-n klaserik gabe

vicky — Wed, 09 Dec 2009 00:48:15 +0000

Beti ondo etortzen dira oporrak. Berdin da zer egiten duzun egun horietan, baina aske zara. Zubi txiki (beti oporrak gutxi dira) honetan, arnas hartu dugu Komunikazio Multimedia Masterra-n gogor aritzeko.

Lanak tarteka, urrun joateko aukera izan dugu, edo ez hain urrun, edota etxean goxo-goxo eta lasai sofan etzanda, hotz honekin eta manta bat hartuta, leku ezin hobea baita.

Aste hau laster igaroko zaigu, eta hurrengoko astea pasa eta gero, berriz ere oporrak!

Telebista propioa Masterra-n

vicky — Sun, 06 Dec 2009 17:00:08 +0000

Gure mundua, gure errealitatea sortu dezakegu gure telebistaren bidez. Egungo teknologiarekin, Internetekin posiblea da jadanik zure telebista propio edukitzea, nahi dituzun edukiekin.

“LiveStream” programaren bitartez, gustuko edukiak ipini ahalko dituzu zure telebistan, edota etxean grabatutako bideoak igo, edonork ikusi ahal izateko.

Hemen Masterra-n egindako nire lehengo saiakera, gustuko ditudan pelikulen trailer eta zatiekin eta tarteka, gogoko ditudan bideoklipekin ere.

Teknologian aditua Masterra-n aritzeko

vicky — Tue, 01 Dec 2009 16:41:47 +0000

Egungo gizarteak eskatzen du teknologian aditua izatea. Baina gero eta gehiago dira topatu dezakegun gauzak: mila eta mila aplikazio, gero eta sistema eragile gehiago, gero eta jende gehiago sartuta mundu zorabiatu honetan!

Azken klaseetan, teknologiakin harremanen estu-estuan sartzen air gara. Gorka Palazio-ren eskutik, hainbat aplikazio ezagutzen ari gara; hala nola TiddlyWiki. Gainera Komunikazio Multimedia Masterra-ren opariz USB bat daukagu eskuan PortableApps-en aplikazioekin.

Masterraren atal hoberena

vicky — Sat, 21 Nov 2009 18:04:11 +0000

Komunikazio eta Multimedia Masterra duela ia bi hilabete hasi zen, baina ongi etorria behar bezala emateko, zerbait falta zen: Poteo eder bat eta afari dotore-dotore bat!

Ostegunean izan zen aukera ezin hobea! Klaseak laster amaitu eta Bilboko erdialdetik ibili ginen taberna batetik bestera.

Afarira zoritxarrez, gutxiago joan ziren, baina hori bai geroago Masterra merezi duen farra bat bota zuten falta ginen ohorean!

Gaixorik, masterrara joan ezinik

vicky — Wed, 11 Nov 2009 20:10:09 +0000

Udazkena eguraldi nahasiarekin hasi eta egun gutxitara “gure masterra” ere abian jarri zen. Honekin batera hotza eta arratsalde ilunagoak etorri ziren, eta pixkanaka-pixkanaka lehenengo gripeak ere gure artean agertzen hasi dira. Gainera aurten areagotzen ari den gaixotasuna airean: gripe A. Hurrengo astean hasiko dira lehengo txertoak ipintzen, herritarron artean sortu duen alarma eta gero.

Hala ere, gripe A, B edo C izanik, berdin da. Gaixorik egongo zara eta egun batzuetan, lanera, unibertsitatera, eskolara edo masterrara joan ezinik, ohean edo sofan egun osoan etzanda, nekatuta nahiz eta ezer ez egin, eta hori bai, sendagai bat baino gehiagorekin.

Beraz, arropa beroak jantzi eta zorte izan, oraindik negua falta zaigu eta!

Masterra-n eta ez bakarrik hemen…

vicky — Sun, 08 Nov 2009 23:50:41 +0000

“Komunikazio Multimedia masterra“ ez da salbuespena. Duela hilabete luze hasi zen, lanak bidali ziguten eta pixkanaka heldu ziren datak. Batzuk beti bezala ikusi gara: denborarekin itota. Beste batzuek berriz, langileenak, denbora dezentekin aurreratu dituzte lanak.

Bere bizitzan ikasi duen edonork, behin baino gehiagotan ikaslearen larridura sentitu izan du seguruenik. Kurtso bat hasten denean, lanen berri ipintzen dute irakasleek, eta zuk inozo esaten duzu: denbora asko geratzen da! Baina konturatu gabe, geratzen zen denbora hori pixkanaka-pixkanaka murrizten joaten da: hilabete bat, 15 egun, aste bat, egun bat… eta egun klabea aurrean izango duzu bat-batean! Orduan ipiniko zara lana egiten presaka eta korrika, orduan etorriko dira larridurak, orduan etorriko dira mota honetako promesak: beste batean esaten didatenean bezain pronto egiten hasiko naiz! ez dut utziko azken egunerako!

Baina gauzak nekez aldatuko dira, beti egongo da denboran eta data baino lehen entregatzen dituena, eta beste puntan egunaren azken minutuan emango duena, eta hori zortearekin!

Masterra komunikatzen

vicky — Fri, 23 Oct 2009 00:21:05 +0000

Egunon, arratsaldeon edo gauon!

Ez dakit irakurle noiz erabaki duzun blog hau irakurtzea, ez dakit zergatik ”Masterra05″ deitzen den atal honetara nola ailegatu zaren, ez dakit ezta zergatik hautatu duzun nire bloga. Baina gauza batengatik edo beste, hemen sartu zara eta espero dut laster bueltatzea, hori esango baitu gustukoa duzula.

Egia esateko ez daukat argi zer idatziko dudan, eta hori arazoa galanta da, nik mantendu behar baitut blog hau bizitzarekin. Dakidan gauza bakarra da aurten hasi den masterrari buruz idatzi behar dudala, Multimedia komunikazioari buruz hitz egiten ari naiz hain zuzen ere, EHUk eta EiTBk sortutako Masterra.

Beraz, saiatuko naiz sortu berria den masterrari buruzko zehetasun guztiak kontatzen, azaltzen eta zuk irakurle honen barnean gertatzen dena modu batez sentiarazten.

Hello world!

vicky — Wed, 21 Oct 2009 16:57:43 +0000

Welcome to WordPress.com. This is your first post. Edit or delete it and start blogging!